Четверг, 19.10.2017
Ваш личный виртуальный психолог
Меню сайта
Категории каталога
Святые Имена [8]
Иконы, молитвы, тропари, акафисты к Господу, Богородице, Святым в различных обстояниях
Наш опрос
Оцените мой сайт
Всего ответов: 38
Главная » Статьи » СВЯТЫЕ ПОКРОВИТЕЛИ НАШИ » Святые Имена

Акафист святому мученику Виктору

Мученики Виктор и Стефанида

 

память 11 / 24 ноября

 

Viktor.jpg (22788 bytes) Во времена императора Марка Аврелия (он же Антонин, 161-180 гг.) в городе Дамаске (Сирия) служил воином христианин Виктор, родом из Италии. Когда император приказал преследовать христиан, воевода Севастиан потребовал от Виктора, чтобы тот отрекся от Христа и принес жертву идолам. «Ты воин нашего царя, и обязан исполнить его приказание», - заявил Севастиан.

«Нет, - ответил Виктор, - теперь я воин Небесного Царя, и Ему одному буду служить, а мерзких идолов я презираю!» Тогда Севастиан предал Виктора различным мучениям. Палачи переломали Виктору пальцы на руках и ногах и вывернули их из суставов. Во время пыток святой Виктор молился Богу и мужественно переносил страдания.

Потом палачи стали принуждать Виктора проглотить мясо, отравленное колдуном. Помолившись и перекрестив мясо, мученик Виктор проглотил его. На глазах у всех произошло явное чудо: Виктор остался невредим. Случилось то, что Господь некогда обещал Своим ученикам: «Если что смертно выпьют, не повредит им» (Мр. 16, 18). Колдун, увидев, что Виктор нисколько не пострадал от его отравы, уверовал во Христа. Он лучше других понимал, что никакая земная сила не могла обезвредить его страшнейший яд.

Тогда святого Виктора подвергли еще более тяжким пыткам. Стефанида, жена одного из воинов, мучивших Виктора, не могла больше смотреть на тяжелые и совершенно невинные страдания, которым подвергали мученика Христова, и заступилась за него. Обезумевшие от крови палачи, вместо того, чтобы остановиться, озлобились на Стефаниду и увидели в ней свою новую жертву. Они привязали ее к двум наклоненным пальмам и разорвали на части. Так умерла Стефанида, будучи еще совсем молодой: ей было только 15 лет. Убив Стефаниду, мучители возвратились к истязаниям Виктора и обезглавили его. Святые мученики Виктор и Стефанида пострадали за Христа в 175-ом году.

Перед своей смертью мученик Виктор предсказал палачам, что они умрут через 12 дней, а воевода через 24 дня будет взят в плен. Так все и случилось.

 

Акафист святому мученику Виктору

Кондак 1

Избраннаго воина Христа Бога нашего, святаго мученика Виктора песньми почтим, яко ходатая нашего и молитвенника; ты же, страстотерпче, яко имеяй дерзновение ко Господу, от всяких нас бед свободи, да зовем ти: Радуйся, Викторе, мучениче преславный.

Икос 1

Ангел земный и человек небесный явился еси, святый мучениче, егда озарившеся светом истиннаго богопознания, радостно потекл еси на страдальческий подвиг. Темже, поминающе страдания твоя, за Христа претерпенная, вопием ти сице: Радуйся, Творца всяческих всем сердцем возлюбивый. Радуйся, за имя Его тяжкая страдания приемый. Радуйся, идольское нечестие обличивый. Радуйся, любве ради твоея ко Христу живота своего не пощадивый. Радуйся, славу мира сего ни во что же вменивый. Радуйся, сладости райския вкусивый. Радуйся, Викторе, мучениче преславный.

Кондак 2

Видя гонения нечестивых на христианы, не убоялся еси прещения и мучительства их, но яко доблий воин Христов, пред нечестивым воеводою Севастианом предстал еси, и веру свою во единаго истиннаго Бога исповедал еси, поя велегласно: Аллилуиа.

Икос 2

Разум богодухновен имея, святый мучениче Викторе, изумил еси мучителя мужеством души твоея и словесы, имиже дерзновенно проповедал еси Христа - истиннаго Бога. Темже, похваляюще исповедание твое, вопием ти таковая: Радуйся, единаго истиннаго Бога проповедниче. Радуйся, Пресвятыя Троицы верный поклонниче. Радуйся, идольскаго служения искоренителю. Радуйся, христианского благочестия насадителю. Радуйся, Царствия Небесного наследниче. Радуйся, славы вечныя сопричастниче. Радуйся, Викторе, мучениче преславный.

Кондак 3

Силою Вышняго укреплен, дерзновенно пред мучителем стал еси, мужественный исповедниче Христов, темже угрозы и ласкательства онаго презрев, на подвиг мученический потекл еси, поя Богу: Аллилуиа.

Икос 3

Имея крепкую надежду на Небеснаго Владыку и Господа, и помняще слово апостольское, яко подобает повиноватися Богу паче, нежели человеком, ты, святый мучениче, не повинуяся велению мучителя, но исповедав себе воином Царя Небеснаго быти, отринул еси языческое нечестие и в руце мучителей предался еси. Мы же, поминающе мужество твое, вопием ти сице: Радуйся, доблий воине Царя Небеснаго. Радуйся, верный рабе своего Домовладыки. Радуйся, угрозы нечестивых презревый. Радуйся, прелесть идольскую обличивый. Радуйся, подвиг мученический добре совершивый. Радуйся, веру свою во Христа кровию засвидетельствовавый. Радуйся, Викторе, мучениче преславный.

Кондак 4

Бурею ярости одержим, безумный мучитель повеле тяжко мучити тя и в пещь огненную воврещи. Ты же, все упование свое на Бога возложивый, во огнь, якоже иногда три отроцы, безбоязненно вшел еси, поя победную песнь: Аллилуиа.

Икос 4

Слышав нечестивый воевода, яко по триех днех пребывания во огненней пещи ты, славный мучениче, невредим обрелся еси, и еще большия ярости исполняяся, призва чародея и повеле ему умертвити тя. Ты же, смертоносную пищу приим, паки неврежден пребыл еси, подвизая вопити тебе таковая: Радуйся, поборниче веры непоколебимый. Радуйся, страстотерпче, адаманта твердейший. Радуйся, огня неубоявыйся. Радуйся, росою молитв твоих пламень огненный угасивый. Радуйся, смертоносныя снеди вкусив, невредим пребывый. Радуйся, пищи райския ныне наслаждаяйся. Радуйся, Викторе, мучениче преславный.

Кондак 5

Боготечней звезде подобен был еси, мучениче Христов, указующей путь спасения: чародея бо, умертвити тя хотящаго, веровати во Христа подвигл еси, научая воспевати купно с тобою: Аллилуиа.

Икос 5

Видевше душевныма очима своима Бога, яве чудодействующа тобою, святый Викторе, волхв нечестивый умилися сердцем и уверова во Христа, тобою проповедуемаго. Мы же, воспевая величия Божия, на тебе явленная, глаголем: Радуйся, спасительным словом тьму неверия разгнавый. Радуйся, мученическим веры исповеданием неверныя ко Христу обративый. Радуйся, вся козни диавола разрушивый. Радуйся, силу демонскую верою Христовою низложивый. Радуйся, верных ко прославлению Бога воздвизающий. Радуйся, в бедах и скорбех сущих прибегати к Нему наставляющий. Радуйся, Викторе, мучениче преславный.

Кондак 6

Проповедником истинныя веры во Христа явился еси пред мучители твоими, страстотерпче славне, никия бо раны тебе содеянныя не возмогоша повредити тебе: кипящий бо елей, аки источник воды прохладныя тебе показася, и оцет, аки сладкий сот тебе бысть. Мы же, терпению твоему удивляяся, вопием Богу, дивному во святых Своих: Аллилуиа.

Икос 6

Возсия свет слепотствующим очесем мучителей твоих, егда ты, святый мучениче, имя Господа Иисуса призвал еси. Сего ради тебе, славному угоднику Божию и чудотворцу, взываем: Радуйся, скорый наш пред Богом заступниче и ходатаю. Радуйся, о душах наших теплый предстателю. Радуйся, недужных молитвою своею исцеляяй. Радуйся, раны душевныя и телесныя врачуяй. Радуйся, веру нашу укрепляяй. Радуйся, надежду нашу утверждаяй. Радуйся, Викторе, мучениче преславный.

Кондак 7

Хотяще прославити Бога, укрепляющаго избранныя Своя, жена некая, именем Стефанида, пришедши на место мучения твоего и велию терпению твоему удивляяся, виде венцы нетленныя с небесе сходящия. Сие убо благоговейно зряще и Бога в сердце своем славяще, возопи: Аллилуиа.

Икос 7

Новую показа безчеловечия ярость злобный мучитель, егда юную Стефаниду, похваляющую страдания твоя, мучениче Христов Викторе, повеле, приклонив ветви древес, привязавши, разсещи. Мы же, подвиг святыя мученицы славяще, ублажаем купно с нею страдания твоя, страстотерпче, вопиюще: Радуйся, жертвою благоприятною, якоже Авелево приношение, Богу бывый. Радуйся, праведности и благих дел, якоже Ной, исполненный. Радуйся, в вере Аврааму подражаяй. Радуйся, Иову в терпении последствуяй. Радуйся, якоже Давид, все упование свое на Господа возложивый. Радуйся, лик мученический восполнивый. Радуйся, Викторе, мучениче преславный.

Кондак 8

Странно бе видети и слышати языком, неведущим Божией силы, како в слабом человечестем телеси возможно таковыя претерпевати за Христа муки. Мы же, славяще Бога, даровавшаго святым мучеником таковую крепость, с любовию взываем: Аллилуиа.

Икос 8

Весь радости божественныя исполнился еси, святый мучениче, егда повеление мучителя на мечное твое усечение услышал еси. Мы же, страдания твоя воспоминающе, и велие терпение твое похваляюще, глаголем: Радуйся, веру, надежду и любовь до конца сохранивый. Радуйся, венец мученический от руки Вседержителя приемый. Радуйся, в невечернем дни Царствия Христова водворивыйся. Радуйся, во обителех райских на Небеси вселивыйся. Радуйся, усердно у престола Божия о нас молящийся. Радуйся, о призывающих тя напрестанно пекущийся. Радуйся, Викторе, мучениче преславный.

Кондак 9

Всякия беды и напасти избави нас молитвами твоими, страстотерпче святый Викторе, велие бо имаши дерзновение пред Господем, за Него же и душу свою положил еси, взывая непрестанно: Аллилуиа.

Икос 9

Витий многовещаннии не возмогут изрещи тебе достойныя хвалы мучениче славный, многих ради подвигов и страданий, ихже за Христа подъял еси волею. Сего ради мы, недоумевая восхваляти тя по достоянию, воспеваем сице: Радуйся, веры христианския исповедниче неустрашимый. Радуйся, воине Христов непобедимый. Радуйся, благонадежный помощниче всем за истину терпящим. Радуйся, скорый утешителю в беде сущих. Радуйся, Церкве Христовы защитниче. Радуйся, всех православных заступниче. Радуйся, Викторе, мучениче преславный.

Кондак 10

Спасения и вечныя радости достигше по мнозех страданиях Христа ради, ты, святый мучениче, научаеши и нас вся, ради Бога, благодушно претерпевати и на Него единаго все упование свое возлагати, воспевая песнь: Аллилуиа.

Икос 10

Стена и прибежище к тебе притекающим ты еси, угодниче Божий, молитися бо непрестанно Христу Богу нашему за всех почитающих страдания твоя. Прийми убо, мучениче многострадальне, и от нас грешных сия убогая похвалы: Радуйся, яко возлюбил еси живот вечный паче временнаго. Радуйся, яко Царствие Небесное предпочел еси славе человечестей. Радуйся, яко страдании твоими снискал еси нескончаемую радость. Радуйся, яко вкусивши смерть мученическую, прешел еси к блаженному безсмертию. Радуйся, горняго Сиона наследниче. Радуйся, Христовы Церкви велие удобрение. Радуйся, Викторе, мучениче преславный.

Кондак 11

Пение Пресвятей Троице воздал еси, святый мучениче Викторе, не словом точию, но живым всего себе в жертву принесением: Творца бо своего паче всего возлюбил еси и Ему единому добре послужил еси, поя со умилением: Аллилуиа.

Икос 11

Светоприемный светильник истиннаго света сущим на земли являвшися, богоизбранне Викторе, просвещаеши бо сердца верных и к разуму Божественному наставляеши вопиющих ти с любовию таковая: Радуйся, Подвигоположнику Христу последователю. Радуйся, жития непорочнаго рачителю. Радуйся, кротости и смирения образе. Радуйся, послушания и терпения учителю. Радуйся, светило благочестия немерцающее. Радуйся, звездо, ко спасению путь верный показующая. Радуйся, Викторе, мучениче преславный.

Кондак 12

Благодать божественнную испроси нам, мучениче Христов, много бо может молитва праведнаго ко благосердию Владыки, не возгнушайся нашея греховныя нечистоты, но буди нам во всем помощник и к покаянию благий наставник, научая милующему нас Богу воспевати: Аллилуиа.

Икос 12

Поюще многострадальныя подвиги твоя, славный страстотерпче, хвалим долготерпение твое, ублажаем мученическую кончину, и почитаем священную память твою, и в похвалу сицевая тебе зовем: Радуйся, во страдании своем доблесть чудную явивый. Радуйся, язвы Господа Иисуса Христа на теле твоем носивый. Радуйся, наследие Царствия Христова стяжавый. Радуйся, в дому Отца Небеснаго обитель себе сотворивый. Радуйся, яко тобою Бог прославляется. Радуйся, яко тобою демоны посрамляются. Радуйся, Викторе, мучениче преславный.

Кондак 13

О всеблаженный святый мучениче Викторе, приими сие наше хвалебное пение, от умиленнаго сердца тебе приносимое, и избави нас от всякаго зла твоим теплым к Богу ходатайством, да с тобою и всеми святыми воспеваем победную песнь: Аллилуиа, Аллилуиа, Аллилуиа.

 

(Этот кондак читается трижды, затем икос 1 и кондак 1)

 

Молитва святому мученику Виктору

О святый угодниче Божий, славный мучениче Викторе! Подвигом добрым подвизався на земли, восприял еси на небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед, напастей, и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще единаго во святых Своих славимаго Бога, Отца и Сына, и Святаго Духа, ныне и во веки веков. Аминь.

 

Тропарь святому мученику Виктору

Мученик Твой Господи Виктор, во страданиях своих венец прияша нетленный от Тебе Бога нашего: имуще бо крепость Твою, мучителей низложи, сокруши и демонов немощныя дерзости. Того молитвами спаси души наша.

 


Источник:

 

По благословению Высокопреосвященнейшего Иоанна

архиепископа Хустского и Виноградовского

 

«Акафист святому мученику Виктору»

 

Мелитополь 2005 г

Источник: http://akafist.narod.ru/V/Viktor_Damasskiy.htm



Источник: http://akafist.narod.ru/V/Viktor_Damasskiy.htm
Категория: Святые Имена | Добавил: vlvpsiholog (12.06.2008)
Просмотров: 2431 | Рейтинг: 0.0/0 |
Всего комментариев: 0
Форма входа
Поиск
Друзья сайта
Цитаты из Библии
Православие и Мир молитвы, молитвослов, акафисты, псалтирь Судьба и здоровье. Улучшение здоровья и корректировка судьбы своими силами. Теория и практика позитивного мышления Валерия Синельникова и Луизы Хей
Статистика

Онлайн всего: 1
Гостей: 1
Пользователей: 0
Copyright MyCorp © 2017
Конструктор сайтов - uCoz